सुदिप कोइराला /राजधानी 
मोरङ्ग, १ जेठ 
निजी बिद्यालयप्रतिको बढ्दो आकर्षाका कारण खस्कदै गएको शैक्षिक अवस्थाबाट माथि उठ्न यँहाका सरकारी बिद्यालयहरु यतिबेला भर्ना अभियान सँगै प्रतिष्पर्धामा उत्रिएका छन् । 
नेपाल सरकारको निर्देशन अनुशार भर्ना अभियानमा जुटेका सरकारी बिद्यालयहरुले अभियानसँगै प्रतिष्पर्धा पनि आवश्यक रहेको विद्यालय स्रोतले जनाएका छन् । 
मोरङ्गका ९ क्लस्टर मध्येका इन्द्रपुर क्लस्टर ४ का ५४ बिद्यालयहरुले प्रतिष्पर्धा आवश्यक रहेको महशुष गरेका हुन् । मोरङ्गको दुलारी ९ गोठगाँउ स्थित रहेको पञ्चायत माबिका प्रधानाध्यापक बिनोद भट्टराइले भने सुकुना माबि इन्द्रपुर स्रोत केन्द्र अर्न्तर्गत रहेका यी बिद्यालयहरु निजी बिद्यालयसँगको प्रतिष्पर्धाको तयारीमा जुटेका छन् । उनका अनुशार निजी बिद्यालयजस्तै अंग्रेजी पाठ्यपुस्तकको समेत पठनपाठन गराउने तयारी गरेका छन् ।
निजी बिद्यालयजस्तै टाइ, बेल्ट र जुत्ता अनिवार्य बनाएर निजी बिद्यालयको प्रतिष्पर्धामा उत्रिएका यी बिद्यालयहरुले अहिले भने पाठ्य समाग्रीको परिवर्तन र अनुशासनमा समेत बढोत्तरी गर्ने लक्ष्य लिएका छन् । अभियानसंगै भर्ना हुने बिद्यार्थीको संख्यामा बृद्धी भएको छ । मोरङ्ग सुन्दरपुर १ का भेष बहादुर थापाका आफुलाई सरकारी बिद्यालयमा राम्रो पढाइ नहुने , तथा बालबालिकामा अनुशासन समेत हराउने भन्ने छाप परेको तर अभियानका पछि सरकारी बिद्यालयले पनि केही गर्न सक्छन् जस्तो लागेको बताए । 
मध्यमबर्गिय थापाले छोराछोरीको उज्जवल भबिष्यकालागी आफ्ना दुइ बालबालिकालाई आँगनमा रहेको सरकारी बिद्यालयमा नभइ अधिक खर्च ब्यहोरेर गछिया स्थित एक निजी बिद्यालयमा भर्ना गराएको पनि बताए । 
मोरङ्गकै इन्द्रपुर स्थित सुकुना माबिका शिक्षक पदम प्रसाद बिमलीका अनुशार भने सुकुना स्कुलकालागी भर्ना अभियान प्रभावकारी भएको छ । उनले भने ः बिगतका बर्षन्दा यस बर्षभर्ना अभियान प्रभावकारी भयो । यद्यपी अपेक्षित सफलता भने हासिल हुन नसकेको उनले बताए । 
जिल्ला शिक्षा कार्यलयका अनुशार अहिले मोरङ्गमा मात्रै प्राबितहमा एक लाख ३७ हजार बिद्यार्थी अध्ययनरत छन् ।